Oborri i SHFK “Kiril Pejçinoviç” në Tearcë, është pastruar dhe i është bërë një ndryshim i jashtëzakonshëm, oborri i shkollës është pastruar i tëri. Janë larguar të gjitha mbeturinat, është bërë rrafshimi, nivelizimi i sipërfaqeve të jo të rafshta dhe pastrimi i bimëve e kullosave të tepërta. Ky proces jo vetëm që mundësoi një pamje më estetike të oborrit të shkollës, por krijoi edhe një hapësirë më funksionale për nxënësit dhe për të shijuar aktivitetet në natyrë.
Pastrimi i oborrit të shkollës me mekanizëm shërbeu gjithashtu si një kujtesë për rëndësinë e përgjegjësisë mjedisore. Nxënësit u inkurajuan të marrin pjesë aktive në procesin e pastrimit, mbledhjes së mbeturinave dhe përzgjedhjes së mbeturinave dhe hudhja e tyre në vendet përkatëse. Ky aktivitet ndikon në rritjen e ndjenjës së ruatjes së pronësisë, ndjenjën e krenarisë për ruajtjen e një mjedisi të pastër dhe të shëndetshëm.
